Friday, April 24, 2020

හරි සීතලයි
තුරුළු වෙන්නට ආසයි
හැඟුම් අවදිව බලා ඉන්නෙත්
එනතුරා
ස්නේහයේ ලිය වැල් සරා

සඳ කැන් ගලා
ඔච්චම් කලා
තනි යහන
ඉඩ කඩ වැඩි නිසා

හරි කම්මැලියි
පෙම් පබදින්න ආසයි
වදන් ගුලි වී බලා ඉන්නෙත්
එනතුරා
නුරාබස් සිපගනු නියා


පවනැල් එතී
හිනැහී ගියා
තනි ලයට
උණුහුම මදි නිසා

හරි ලස්සනයි
ඇවිද යන්නට ආසයි
දෑත් විහිදා බලා ඉන්නෙත්
එනතුරා
යෞවනී හද සැරි සරා

තුරු මල් පිපි
ඉඟි බිඟි කලා
පිණි පලසේ
තනිවම ඇවිදින නිසා



No comments:

Post a Comment