Wednesday, September 25, 2013

සීත රැය මුව ලඟට ඇවිදින්
මියුරු පදවැල් පබදිමින්
නුඹ ඈත හිම මත සුසුම් වැල්
පා කරන හැටි ආදර සොවින්
මුමුණයි මගේ දෙසවන් අගින්

කොඳ මලක පෙති පිබිදෙන සැනින්
නුඹේ මිහිරි මතකයේ රොන් ගලයි
මගේ හදින් පිබිදුනු මල් මතින්
එන සුවඳ දැනුනිද නුඹට දැං

සඳ කැණැති ගලනා විට සෙමින්
නුඹේ උවනේ සිරි දිය මත ‍ඇදෙයි
සඳට පෙම් බැදි තරුවකින්
එන එළිය මුණ ගැසුනිද කියන්

ලෙලෙන තුරු දළු මදහසින්
නුඹ ලවන් මා සිත මත අදියි
මගේ ලයෙන් ගිලිහුනු නුරාවැල්
නුඹ සොයා ඒවී ඉක්මනින්