Tuesday, December 28, 2010

අපි.... අපිමද?

ඔබ මගේ කියා
මම හිතනවා
මම ඔබේ කියා
ඔබ හිතනවා!


(නිකන් හිතට ආවට ලීවේ)

Wednesday, December 15, 2010

ඈතින් ඈතටම....



මට මේ පද ටික ලියන්න හිතුනේ කුඩාම කුඩා දරු පැටියෙකු පිලිකාවකින් මිය ගිය සිද්ධියක් නිසා.
ඒ දරු පැටිය හරියට වචන ටිකක් වත් ගැට ගහ ගන්න බැරි වයසක කිරිසප්පයෙක් - ඒත් ඉතින් මේ සොබාදහමේ හැටි එහෙම තමයි
අනිත්‍ය!

Tuesday, September 21, 2010

සුන්දර සිතුවිලි

ලස්සන දුටුවෙම්...!



මේක ලියන්න හිතුනේ ආදරයේදි ආදරය කියන සිද්ධියට බාහිර සාධක වල නොගැලපීම බල නොපානව කියල කෙනෙක් සිතුවොත් ඔහුගේ ඒ සිතිවිලි කොහොම වෙයිද කියලා හිතුන වෙලාවක!
කියවලා බලන්නකෝ

Friday, September 17, 2010

මම උඹව...

සතියකින් විතර මේ පැත්තේ එන්නත් බැරි වුනා
කියවලා බලන්නකෝ මේ පද ටික එහෙනම්

හෙවනැල්ල මෙන් ආපු
උඹෙන් මම බැට කාපු
යලි යලිත් එහි බැඳුන
ලෝල කම මල ගැහුන
පිස දාමි රෙදි කඩින්
වෙර යොදා ගොතාලපු

Wednesday, September 8, 2010

නංගිලාට





මේකත් මේ සත්‍ය අත්දැකීමක් නිසා ලියන්න හිතුනා
අපේ පොඩි පොඩි නොසැලිකිලිමත් කම් නිසා සමහර විට අපරාදේ කියල හිතෙන වැඩත් වෙනවා නේ

අනුවේදනීයයි ද? දෛවයේ සරදමක්ද?























මා මෙය සටහන් කලේ කිසිම වෘතියකට අපහාස කීරීමේ අරමුනින් නම් නොවේ. නමුත් මෙය මා දන්නා එක් සත්‍ය සිදුවීමක සංක්ෂිප්තයක් පමණි. මෙහි කතා නායකයා ඇත්තටම මේ සිද්ධියට පෙර හැසිරුනේ මිනිසකු ලෙසින්නම් නොවේ. මොහු කෙසේ වෙතත් මේ සමාජයේ ඉතා වැදගත් මනුෂ්‍යත්වය හදුනන රියැදුරු මහතුන් ඕනැ තරම් සිටින බවත් කියන්න ඕනෑ.

Wednesday, September 1, 2010

පිළුනු පිලිලය

පිළුනු පිලිලය
අරං දෝතට
ගෙන ගියා
මල් කෙමිය මත්තට

සුලල කෝමල
ස්නේහ රේඛා
පැටළුවා නුඹ
පාප හද වට

Tuesday, August 31, 2010

" බූකන්වෝල්ඩ්" නිදහස



























මේක මම ලීවේ "බෘනෝ ආ(ර්)පිට්ස් කියන 2- ලෝක යුද්ධයේදි නාසි කෘර සිර කඳවුරක (concentration camp) සිට දිවි බේරාගත් ලේඛකයෙක් ලියපු පොතක් - naked among wolves ( (සිංහල පොත - "වෘකයන් අතර නග්නව")කියෙව්වාට පස්සේ
හරිම ලස්සන පොතක්

කියවල නැත්නම් අනිවාර්යයෙන්ම කියවන්න හරි සංවේදි පොතක්

(ඔය කතාව ඇසුරින් හදපු චිත්‍රපටයකුත් තියෙනවා ඔය නමින්ම)

ඉතින් මගේ මේ පද ටක කියවලා ඔයාලට හැගෙන්නේ මොකක්ද කියලා බලන්නකෝ


Monday, August 30, 2010

"බුක්"



අන්තිමේදී "ජබුක්" තමයි!























මේ "බුක්" ගොඩට තව ඕනනම් "ස්ටෝරි බුක්" "පාස් බුක්" "ටෙක්ස් බුක්" එහෙමත් එකතු කරන්න පුලුවන්!

Saturday, August 28, 2010

Sunday, August 22, 2010

පිපිදුන තනිකම...

තනිකම
ඔයා නම් මාරයි
නියම කල්‍යාණ
මිතුරෙක් වුනා නුඹ
සැම දාම හැම තැනම

මගේ දුක බෙදා ගති
සතුටෙදිත් ලඟ උන්නා
තනිකමේදි ඔයා විතරයි
මගේ ලඟ
නොතනියට හිටියේ!

Wednesday, August 18, 2010

ආදරණීයම පද ටික


මම මේ පද වැල පල කරන්නේ ඉතාම වැදගත් සිදුවීමක් හා ලඟින්ම සබැඳි වන නිසයි!


Friday, August 6, 2010

මක්ක කෑල්ල

සුන්දර පාරක
ආ ගිය සිතුවිලි
මකන්න දෙනවද
චූටිම චූට්ටං
මක්ක කෑල්ලක්

Thursday, August 5, 2010

මව් පිය සෙනෙහස ගැන මේ හදිස්සියේ හිතිලා ලීවේ

ආදරයක් ලඟ නැවතිලා මගේ හිත
ටික මොහොතක් මට සිනහව දුන්නා
ඊලඟ මොහොතේ එය මා තනකර
පියඹලා ඈතට

ආයෙත් දවසක නාඹර ආලය
මගෙ ලඟ දැවටෙයි
රවටයි මගේ මන සිහිනය
සිත්තම් කරමින් යලි යලි

ඒ සිහිනය පරවෙයි මා ලග
හදවත ආයෙත් හීතලේ තනියම
නිනදක් අමතයි මම එහි ඇවිදියි
යන්තම් ඈතින් පෙනෙනා ඡායා
පෙලවයි මොහොතක් මගෙ ලය
ලජ්ජා සාගරයක
අම්මගේ ආලය තරමට නොවෙනස්
උපමා ඇත්දැයි තව කොතැනකවත්!

Sunday, August 1, 2010

ආහ් ! සුන්දරද ආදරය මෙතරම්....


මම දන්නේ නෑ මම මේ තරම් ආදරේ ගැන ලියන්නේ ඇයි කියලා ( මගේ හිත කියනවා... ගනන් ගන්න එපා අපේ ප්‍රවීනයන්ගේ නිර්මාණ බැලුවත් 50% ට වැඩිය ඉතින් ආදරය ගැන තමයි ලියලා තියෙන්නේ.... ආදරය ඒ තරමටම සුන්දරයි නේ.....)

ටික දවසක් තිස්සේ බ්ලොග් එකට මොකුත් දාන්නත් බැරිවුනා. ඉතින් ඔන්න මම කාලෙකට පස්සේ පල කරන පලමු පද පෙල

මේක මට ගලපන්න හිතුනේ අතිශයම සුන්දර ආදරයක් බැරිවෙලාවත් අපව දාලා ගියහොත්.... කියලා මගේ යාළුවෙක් මට කියපු වෙලාවක
ඉතින් එහෙම ඒවා නොවෙනවා නොවෙයි නේ!


Thursday, July 15, 2010

‍ෆෑන් එක

වේ‍ගෙන් කැර‍කෙන
‍පෙති ටික ඔතාන
යනවද අහකට
වදයක් ‍නො‍වෙමින්
වද ‍වෙන
හදකට

පිස්සුද ඔයාට
මම දැන් ගිය‍හොත්
දාඩිය ඉතිරී
ගඳ‍වෙයි ඔයාව
එබැවින් ඉන්නම්
ලඟින්ම ඔයා‍‍ගේ!

Sunday, July 11, 2010

දිනපු ආදරයක්....

ආදරයක් ලඟ හිත....

ආපසු එන්නට තටමන ආදරයක් ... හරි පුදුමයි නේද?

සමාජයේ මේ වාගේ සිද්ධීන් ඕන තරම් තියෙනවා, අපි නිතරම ඒවා "දැක්කට" ඒවා දිහා හරියට අපි ""බලන්නේ" නෑ කිලයි මට හිතුනේ

දවසේ මුල්ම නිර්මාණය විදිහට වෙනස් ආරක නිර්මාණයක් දාන්න හිතුනා..





පහුගිය කාලේ නම් ජාතිකාභිමාණී ගීත කියල හතු පිපෙනවා වගේ සිංදු ලංකාවේ හැදුනා. හැබැයි ඒවායෙන් කීයෙන් කීයක් සැබැවටම ඒ අරමුණ ඉටු කලාද කියන එක නම් හුඟක් අයට පොඩි කුතුහලයකට තුඩු දුන් කාරණයක් වුනා. ඔන්න මමත් ඉතින් ඒ වගේ පොඩි උත්සහයක් ගත්ත වෙලාවක කුරුටු ගාපු දෙයක් තමයි මේ.

"හැබැයි මම මේක කලේ පසුගිය අන්තිම යුද්ධය ඇරඹෙන්න නම් ඉස්සරලා"

Friday, July 9, 2010

අද දවස හමාර කරන්න ඉස්සර වෙලා මේක ලියල තියන්න හිතුනා..

ආදරී සිහිනයෙන් සරා
ඉගිලිලා එන්න මා සොයා
සරාගී බැල්ම මා දවා
ඉගිලිලා යන්න නම් එපා

හද විලේ කැලතෙනා හැඟුම්
ආදරෙන් සතපමින්
මාලති මල් රටා මැදින්
ඉන්න මා ලඟ සිතින්

දිය කිඳුරියන්ගෙන් මිදී
පුංචි හිම ලෝකයේ
හිමම හිම කුමරියක් වෙලා
ඉන්න හද මානයේ

සීතලෙන් ලං වෙනු බලා
දෙව්ලියෝ මල් රටා ඉසී
ඒ රටාවන් පාට දා
අදින්නම් ඔබ සිත් මතින්

මේක ලියන්න මුල් වුන සිද්ධිය මං දන්න කියන කෙනෙකුට හුගක්ම සමීපයි....

ආදරය සැමවිටම සත්‍යය නොවෙයි...

මේ තව එකක්....

ලෝක සාහිත්‍යයේ වුනත් බහුලවම යොදාගන්නා මාතෘකාවක් තමයි "ආදරය"

ආදරය එක්කම යන තව වචනයක් තමා විරහව...