වර්චුවල් ලොවෙන්
බැස එන්න සඳවති…
මල් වදුල් පිපී
නෙත් සලයි සෙනෙහසේ
විහඟ සර සවන්
මියුලැසින් නුබ සිඹී
ඉන්ද්‍රචාපයේ
සායමින් වැසි
මන්දහාසයේ
රූපයන් දිලේ
එන්න මා ප්‍රියේ
ඇවිදින්න …
තථ්‍ය උද්‍යානයේ …
තරු වියන් සැදී
එළි පහන් මවයි සීතලේ
නිශාචර සුළං
කොඳුරමින් ගත වෙලී
අන්ධකාරයේ
කළුවරත් මැකේ
චාතුර්යයේ
දෑස් දල්වමින්
වර්චුවල් ලෝකයෙන්
මිදෙන්න සඳවති
විඳින්න ආදරේ
රියල් උද්‍යානයේ
මම රේඩියෝ කවි වැඩසටහනක් කරනවා. ඔබ අවසර දෙනවා නම් මම ඔබේ කවි ඒකට ගන්න කැමතියි . ඔබේ විද්‍යුත් තැපෑල මට එවන්න. එවිට වැඩසටහන ගැනත්, කවි ප්‍රචාරය වූ පසු ඒවාත්, ඔබේ කවි වල ගායනා පිටපතුත් ඔබට එවන්න පුළුවන් . මගේ විද්‍යුත් තැපෑල anuruddhawe@yahoo.com
ReplyDelete